Citer ce document:

“« Ici commence le livre de la vie pardurable et est apelée (sic) le livre de vie, por ce que il parole des vies des sains Pères et des sains hermites crestiens qui menèrent sainte vie et honneste et conquistre (sic) la vie pardurable et la joie de paradis. A tous les crestiens et à toutes les crestiennes habitans ès diverses parties du monde qui sont présens et à venir, Robert de Chipoi, clerc escolier à Paris et estudiant, salut en Nostre Seingneur Jhesu Crist et dilection. Sachent tous cil qui sont et qui à venir sont, que comme j'aie demouré à Paris l'espace de XIIII ans et de plus et aye estudié ès saintes Escriptures, c'est à savoir en la Bible du viel Testament et du nouvel et les sentenses des sains Apostres qui ont esté à Romme, et les Décrétales et les décrés de Code et Digeste, et Enforchade et pluseurs autres livres de devineté de droit et de fisique et de ces III scienses généraus et espéciaus, por ce que je veul que aucuns ignorans qui en désirent savoir en sachent et apraingnent en example de bien faire. Qar Diex dist en l'Euvangille : Qui bien set, bien doit dire... »,” L'Armarium, consulté le 7 août 2025, https://www.armarium-hautsdefrance.fr/document/65419.